Konispoli, por jo vetëm, u trondit mëngjesin e sotëm, pasi 69-vjeçari Huso Islamaj i mori jetën bashkëshortes së tij Shano Islamaj, duke e vrarë me sëpatë.
Tragjedia u thellua dhe më tej, pasi djali i 69-vjeçarit, Klemendin Islamaj, i tronditur nga ky krim, vrau babin duke e hedhur nga shkallët. Megjithatë, duket se dramat e familjes Islamaj e kanë pikënisjen vite më parë. Origjina e tyre është nga fshati Markat i Bashkisë Konispol, pak kilometra larg Shalësit. Babai i Huso Islamajt, i njohur në fshat si Xhevit Cene, është dyshuar më parë për të paktën tre vrasje.
Dhe të treja kanë qenë bashkëshortet e tij. Njërën nga bashkëshortet e ka vrarë duke e hedhur në gropë të gëlqeres, tjetrën e ka vrarë duke e hedhur në pus, ndërsa tjetrën e ka mbytur në lumë, duke e çuar në tre numrin e viktimave.
Ai njihej si njeri shumë i dhunshëm në fshat, duke kryer edhe veprime shtazarake ndaj bashkëshorteve.