Ish-banorja e “Big Brother VIP 3”, Françeska Murati, ka postuar sot një foto të djalit të saj, Charlie, i cili për pak kohë do të bëjë 2 vjeç.
Në postimin në fjalë, ish-misi që mbante kurorën e më të bukurës së Londrës, zbulon se po planifikon diçka për ditëlindjen e të birit. Shumë e emocionuar, ajo shton se mezi po pret që t’a ndajë edhe me ndjekësit e saj festën që po përgatit për të birin.
“S’më besohet që po planifikoj 2 vjetorin e Charlit tim! Kur u rrit kaq shpejt! Më duket sikur dje e kam marrë në krahë për herë të parë. Mezi po pres t’ju tregoj se çfarë feste të bukur po planifikojmë për tutucin e vogël”, shkruan ajo mbi postimin ku shfaqet një foto e djalit bebe me partnerin e saj Ergys.
Ndërkohë edhe pse është mjaft aktive në rrjetet sociale, Françeska ka vendosur që jetën e saj private t’a mbajë larg syrit të publikut. Në pak raste ajo mund të postojë foto të partnerit dhe djalit.
Që pas daljes nga shtëpia më e famshme në Shqipëri, fansat janë shumë kuriozë që të dinë sa më shumë rreth jetës profesionale dhe asaj personale. Gjatë një bashkëbisedimi me ndjekësit, Murati ka treguar se ajo dhe partneri ‘janë gjithmonë bashkë, kudo’.
Por ka shtuar se ‘dashurinë nuk e ka për klikime në “Instagram” po reale dhe e ka për vete’.