Një ngjarja e rëndë ka ndodhur ditën e sotme, ku një 64-vjeçare ka ndërruar jetë në spitalin e Traumës.
Mësohet se gruaja ishte dhunuar nga bashkëshorti i saj në banesën e tyre në Vlorë, dhe ishte transportuar për në spitalin e Traumës në Tiranë, për të marrë mjekim më të specializuar. Me gjithë ndihmën e dhënë nga mjekët, ajo nuk ka mundur të mbijetojë.
Ndërkohë, policia ka arrestuar bashkëshortin e saj 70 vjeç, nën akuzë për dhunimin dhe vrasjen e saj.
Njoftimi i policisë:
Komisariati i Policisë Vlorë – arrestoi 70-vjeçarin, banues në Vlorë, pasi dyshohet se ka dhunuar fizikisht bashkëshorten e tij, shtetasen H. D., 64 vjeçe, e cila për shkak të dëmtimeve të shkaktuara nga dhuna, ka humbur jetën në spitalin e Traumës.