Komisionerët kanë pezulluar për momentin procesin e votimit në Himarë fshat.
Bëhet e ditur se shkak janë bërë banorët që kërkojnë të votohet me karta identiteti të skaduara.
“S’mund të humbas votën edhe pse e kam ID-në e skaduar”, është shprehur një nga banorët.
23 mijë e 74 qytetarë të Himarës kanë mundësi t’i drejtohen sot kutive të votimit për zgjedhur kryetarin e ri të bashkisë së tyre. Në garë janë dy kandidatët, Vangjel Tavo nga Partia Socialiste dhe Petro Gjikuria nga opozita.
Në total do të jenë 36 qendra votimi në Himarë, që janë hapur nga ora 07:00 dhe do mbyllen në 19:00 deri kur të largohet votuesi i fundit.
Në qendra e votimit, materialet zgjedhore kanë mbërritur 2 ditë më parë, ndërsa KQZ ka bërë shpërndarjen e tyre orët e para të mëngjesit të së shtunës.