Kundërshtari i Ervis Martinajt, Leonard Duka pritet të ekstradohet nga Belgjika drejt vendit tonë.
Mësohet se një ekip i forcave RENEA është angazhuar në operacionin e ekstradimit, pas arritjes së marrëveshjes mes dy vendeve.
Duka, i shpallur në kërkim ndërkombëtar me urdhër të SPAK, është arrestuar në Bruksel, ku jetonte në një prej lagjeve të qeta të kryeqendrës europiane. Autoritetet belge vendosën ekstradimin e tij drejt Shqipërisë, ndërsa kërkohet për disa vepra të rënda penale, përfshi edhe vrasjen.
Klani ‘Duka’ ka qenë i skeduar si grup i strukturuar i trafikut të drogës Shqipëri-Gjermani.
Armiqësia e Dukës me Ervis Martinajn ka tërhequr më së shumti vëmendjen. Ervis Martinaj i cili ka qenë një nga bosëve më të mëdhenj të lojërave të fatit në Shqipëri, duke qarkulluar dhjetëra milion euro, ishte kthyer ‘në gjahun’ më të shtrenjtë të rivalëve të tij, shpesh për këtë ‘gjah’ është përmendur edhe ‘Klani Duka’.