Shëngjini po përballet me situatë alarmante këtë të martë.
Forcat zjarrfikëse janë prej orësh në luftë me flakët, që po vijojnë të hapen me shpejtësi të madhe edhe në zonën e rrugës Shëngjin-Velipojë, po ashtu është aktivizuar një tjetër vatër zjarri e re në anën tjetër të malit.
Edhe pse po punohet nga toka dhe ajri, situata mbetet kritike në këtë zonë, ku zjarri po afrohet dhe pranë disa bizneseve dhe banesave. Tashmë ka mbërritur edhe policia, e cila ka urdhëruar evakuim të plotë nga zona për të gjithë pushuesit dhe banorët.