Një i burgosur në burgun e sigurisë së lartë në qytetin e Burrelit prej më shumë se një muaji ndodhet në grevë urie.
Mësohet se Valmir Hoxha vuan dënimin në këtë burg pas transferimit që i është bërë nga burgu i Reçit në Shkodër. Pikërisht transferimi u bë shkak për nisjen e grevës së urisë, pasi ai kërkon që të transferohet pranë burgut të Reçit, aty ku ka edhe familjen pranë.
Deri tani autoritetet nuk e kanë aprovuar transferimin e tij, teksa pritet që të transferohet drejt spitalit pasi gjendja e tij është e rënduar.