Një ditë më parë, modelja Arbenita Ismajli postoi një video në llogarinë e saj në “TikTok”, të cilën e fshiu menjëherë. Gjatë kësaj video, ajo publikoi edhe mesazhin që i kishte dërguar futbollisti i famshëm në “Instagram”.
Pas këtij postimi, u vu re se modelja dhe partneri i saj Fero Fera nuk ndiqen më në profilet e tyre në rrjetet sociale. Pasi lajmi bëri xhiron e rrjetit erdhi dhe reagimi i papritur i reperit.
Teksa kishte hyrë ‘Live’ në “Instagram”, babai i një fëmije u shpreh me nota tallëse dhe ironike se Arbenita e ka lënë dhe se po vuan shumë për këtë gjë.
“Më ka lënë Arbenita, jam duke vuajtur. Kismet Arbenitës do t’i bëj 10 këngë se jam duke vuajtur”– u shpreh reperi.
Ky reagim i Feros i ka habitur të gjithë fansat e tij pasi vetëm disa javë më parë reperi ishte i ftuar në “Më Lër të Flas” ku tregoi se marrëdhënia mes tij dhe Arbenitës është shumë mirë.
“Me Arbenitën kuptohemi për çdo gjë, unë jam i thjeshtë, ndonjëherë e humb kohën me gjëra që nuk ia vlen, ajo më kupton për çdo gjë”, u shpreh Fero.