Një skandal është zbuluar së fundmi në burgjet britanike, ku të burgosurit shqiptar kanë pohuar se kanë paguar gardianet femra të burgut deri në 2 mijë paund për të kryer marrëdhënie seksuale në qelitë e tyre.
Në një investigim të bërë së fundmi “The Sun” ka dalë në dritë pas një sërë mesazhesh mes të burgosurve dhe ish-kriminelëve në një bisedë në “TikTok live”, nga një qeli burgu.
“‘Ne shqiptarët kemi bërë seks me oficere burgu për 2000 £’, tha një i dënuar shqiptar.
Shqiptari Eugert Merizaj, i cili po vuan dënimin me 32 vite burg për rolin e tij në vrasjen me armë gjahu të një rivali të drogës, mburret se kishte “kishte lidhur një gardiane me një tjetër të burgosur”, shkruan The Sun.
Por sa të vërteta janë këto pretendime?
Gazetari investigativ britanik i “Daily Express”, Zak Garner-Purkis foli ekskluzivisht për “Shqipëria Live” sot, duke dhënë këndvështrimin e tij. Ai u shpreh se deri më tani nuk ka fakte që e vërteton këtë fenomen, por shtoi se janë pretendime që qëndrojnë. Po ashtu, ai tha se në burgjet britanike, marrëdhëniet seksuale mes gardianeve dhe të burgosurve janë një problem i vjetër, ashtu si edhe shpërndarja e drogës në këto institucione.
“Është një problem që shkon përtej artikullit. Përfshin burgjet në të gjithë Britaninë, është problem i vjetër krijimi i lidhjeve mes të burgosurve dhe gardianeve. Ka dalë një video shokuese ku shihet një gardiane duke kryer marrëdhënie seksuale me një të burgosur. Dukej dhe fytyra e gardianes dhe e të burgosurit.
Sa i përket shqiptarëve dhe audios të publikuar në ‘Tik tok’ se kanë kryer marrëdhënie, për momentin është vetëm kjo deklaratë, nuk ka prova konkrete. Nuk mund të themi nëse po thonë të vërtetën apo thjesht po e thonë për tu mburrur. Ende po presim për përgjigjet nga autoritet e burgut ku ka dalë kjo deklaratë. Nuk ka ende një konfirmim zyrtar mbi detajet e deklaratës.
Ajo që do thosha se ajo që përshkruhet në artikull është vetëm maja e ajsbergut, ka shumë më shumë. Është njësoj si prezenca e drogës në burgjet britanike. Drogën e gjen kudo edhe pse nuk ka fakte konkrete, por nuk mund t’i hedhim poshtë këto pretendime.
Unë personalisht e besoj se një fenomen i tillë ndodh, edhe pse nuk kam parë fakte” -tha gazetari britanik.