Detaje të reja janë zbardhur nga ngjarja e ndodhur pasditen e sotme në Durrës, ku 70-vjeçari Fadil Hunda mbeti i plagosur pasi u qëllua me armë.
Mësohet se autori është 31 vjeçari Adil Hizdari, i cili u kap në flagrancë nga policia së bashku me armën e krimit, një pistoletë. Policia ka reaguar menjëherë pasi ka qenë në afërsi të lokalit ku ndodhi ngjarja duke shoqërua dhe një 56-vjeçar që dyshohet se ishte bashkëpunëtor i autorit.
E gjithë ngjarja ka ndodhur pas një konflikti për motive të dobëta mes autorit dhe të moshuarit në një lokal, n lagjen nr. 17 të qytetit bregdetar.
Njoftimi i policisë:
Plagosi me armë një 70-vjeçar, dyshohet pas një konflikti të çastit në një lokal në lagjen nr. 17, falë reagimit në kohë të Policisë, kapet në tentativë për t’u larguar dhe shoqërohet në Polici autori i dyshuar.
Policia gjeti në brendësi të lokalit ku ndodhi ngjarja dhe sekuestroi në cilësinë e provës materiale armën e zjarrit pistoletë.
Rreth orës 19.30, në një lokal në lagjen nr. 17, dyshohet se si pasojë e një konflikti të çastit , shtetasi A. H., 31 vjeç, banues në lagjen nr. 17 Durrës, ka plagosur me armë zjarri pistoletë shtetasin F. H, rreth 70 vjeç, banues në Durrës, i cili ndodhet në spital nën kujdesin e mjekëve.
Falë reagimit të menjëhershëm të shërbimeve Operacionale dhe Shqiponja kapet në tentativë për t’u larguar dhe shoqërohet në Polici, për veprime të mëtejshme autori i dyshuar i plagosjes.
Ndërkohë shërbimet e Policisë kanë shoqëruar dhe një shtetas tjetër, konkretisht shtetasin A.T, 56 vjeç, që ishte bashkë me autorin e dyshuar të ngjarjes në momentin kur ka ndodhur ngjarja
Grupi hetimor nën drejtimin e Prokurorisë vijon veprimet në vendngjarje për sqarimin dhe dokumentimin e plotë ligjor të kësaj ngjarjeje.