Një ngjarje tragjike ka ndodhur në Shkodër, ku një 27-vjeçare ka tentuar të vetëmbytje bashkë me katër fëmijët e saj në lumin Buna.
Një ngjarje tragjike ka ndodhur në Shkodër, ku një 27-vjeçare ka tentuar të vetëmbytje bashkë me katër fëmijët e saj në lumin Buna.
Nëna e vajzës në fjalë ka thënë në një intervistë në “News24” se ajo ishte nën presion të madh si pasojë e dhunës së vazhdueshme nga bashkëshorti dhe ndodhej në proces divorci. Gjithashtu ajo ka treguar se dhëndri i saj përveç dhunës kishte dhe një lidhje me një tjetër grua me të cilën kishte edhe fëmijë me të.
Përveç kësaj edhe gruaja tjetër e dhëndrit të saj e ka kiërcënuar të largohej duke e lënë vetëm me fëmijët të pastrehë. Ajo e ka kërcënuar edhe me armë. Autoritetet kanë reaguar menjëherë pas një mesazhi të dërguar nga vajza e 27-vjeçares, duke e gjetur atë dhe fëmijët para se të kryente aktin e rëndë.
“Vajza kishte ardhur tek shtëpia jonë për shkak të problemeve që bashkëshorti i ka sjellë për 9 vite me radhë. Ne e kemi mbështetur gjithmonë vajzën dhe do vazhdojmë ta mbështesim pavarësisht situatës së vështirë. Po bënim një diskutim me vajzën sepse donte të bënte një aplikim në e-albania tek bashkia Shkodër për strehim por më tha se nuk kam lekë. I thashë t’i japë unë. Në diskutim e sipër mori fëmijët dhe doli jashtë. Këtë gjë e ka bërë disa herë. Pas pak kohësh na dërgoi një audio mesazh dhe tha se jam te ura e Bunës. Në atë moment njoftuan policinë, erdhën menjëherë dhe arritëm ta gjejmë.
Vajza ka ikur nga shtëpia sepse bashkëshorti i saj kishte një lidhje të dytë me një grua tjetër edhe ajo me katër fëmijë. E ka kërcënuar disa herë vajzën time dhe e ka lënë të vetme me 4 fëmijë duke i thënë dil nga shtëpia. Madje e ka kërcënuar edhe me armë para disa muajsh. Vajza e ka denoncuar por nuk është marrë asnjë masë. Bashkëshorti ka dhunuar fëmijët dhe ka ushtruar edhe dhunë psikologjike ndaj vajzës time. Kjo histori vijon prej vitesh.” tha nëna e vajzës.