Kryebashkiaku i Lezhës Pjerin Ndreu ka dalë nga ambientet e SPAK, ku u morr në pyetje për rreth një orë.
Në një prononcim të shkurtër për gazetarët, Ndreu deklaroi se është thirrur si një person nën hetim, por pa dhënë shumë detaje mbi çështjen për të cilët po hetohet, por tha se akuzohet për veprën penale të shpërdorimit të detyrës. Ndër të tjera, ai shpjegoi se denoncimi ndaj tij ka ardhur nga Partia Demokratike.
“Arsyeja është thirrje për një çështje që është denoncuar nga PD. Ajo që duhet thënë është 0 shkelje procedurash, 0 korrupsion dhe 0 dëm ekonomik. Ka një problem procedure, ku PD në Lezhë nuk është dakord që t’i bëjmë trotuarin njerëzve.
Jemi në proces, thash shpjegimit, do jap prapë. Isha në cilësinë e personit në hetim për veprën penale shpërdorim të detyrës. Është kallëzim politik, por nuk ka të bëjë me asnjë shkelje.
Si duket shërbimi në komunitet që kemi bërë ne, nuk i ka shkuar për shtat PD-së të Lezhës, ndaj janë aty ku janë.”– tha ai.