Mesditën e sotme ka ndodhur një aksident në rrugën Memaliaj-Krahës, në afërsi të fshatit Iliras.
Policia bën me dije se është përmbysur një kamion dhe për pasojë ka bllokuar rrugën. Kamioni drejtohej nga shtetasi I. M., banues në Serbi.
Fatmirësisht nuk ka dëme në njerëz.
Shërbimet e Policisë Rrugore ndodhen në vendngjarje dhe po menaxhojnë lëvizjen e automjeteve, me qëllim që të vijojë normalisht qarkullimi i tyre.
Grupi hetimor po punon për zbardhjen e shkaqeve të aksidentit.