63-vjeçari Pal Trashaj vrau veten sot para dyerve të SPAK duke pirë fostoksinë. Familja e tij ka hapur dyert e mortit për të moshuarin që u vetvra. Ai ndërroi jetë në spital edhe pse u dërgua menjëherë për të shpëtuar.
Vdekja e tij ka tronditur fqinjët dhe bashkëfshataret e 63-vjeçarit, të cilët thonë se ai njeri i respektuar në zonë, por problemet me padrejtësisht që i janë bërë e detyruan të ndërmerrte këtë veprim.
“Jetonte në lagjen tonë. Kam marr vesh se ka ndërruar jetë para 1 ore. Më ka trondit shumë. Person i mirë, sheh punën e vet. Ndihmon edhe të tjerët kur ka mundësi. U bënë shumë kohë që e kam pas afër, por se kam takuar. E pamë në televizor. Problemet i dinë vetë. Njeri i rregullt”, thonë fqinjët.
Pal Trashaj kishte pasur një kredi të mbetur që nga viti 2008, në vlerën e 760 mijë lekë të vjetra dhe kredinë e kishte blerë MCA e cila kërkonte 4.8 milion lekë duke bllokuar për 5 vjet gjithçka shtëpinë, tokën, makinën dhe pagën ku punonte. Për këtë problem 63-vjeçari ju ishte drejtuar disa institucioneve dhe organeve të drejtësisë, por që nuk kishte gjetur zgjidhje, çka duket që e detyroi që të kryente dhe aktin e rëndë para dyerve të SPAK.