Kryeministri Edi Rama i ka dalë në krah Rusisë, kinës dhe Turqisë, gjatë fjalës së tij në Forumi ne Paqes në Paris, teksa u ndal tek çështja e ndikimit të tyre në Ballkan.
Teksa ndodhej përballë Macron e liderëve të tjerë botërorë, Rama deklaroi se pa këto shtete, Shqipëria nuk do t’i kishte mbijetuar pandemisë së Covid-19. Ai shtoi se është i vetëdijshëm për ndikimin e Rusisë në rajon, por sipas tij, deri më tani Ballkani ia ka dalë të qëndrojë larg luftarve.
“Pa Kinën, Turqinë dhe Rusinë nuk do t’i kishim mbijetuar Covidi-t. Të qenit kryeministër shqiptar nuk të duhet të zgjidhësh problemet e botës. Deri tani Ballkani ia ka dalë t’i qëndrojë larg luftës konvencionale duke qenë hallka më e brishtë e zinxhirit. Kemi dobësitë tona. E di shumë mirë që në Ballkan Rusia ka ndikim të madh. Kemi një çështje të madhe në Ballkan që është çështja mes Serbisë dhe Kosovës dhe është vërtetë e rëndësishme që të shihet se Ballkani është i bashkuar.”- tha Rama.