Futbollisti belg, Keith Groeneveld, i ka dhënë fund beqarisë me partneren e tij të re. Sportisti, e bëri të ditur këtë përmes imazheve të ceremonisë së kurorëzimit, të cilat i publikoi në Instagram.
Keith ka rigjetur dashurinë, pas lidhjes së shumëpërfolur me aktoren dhe deputeten e njohur nga Kosova, Adriana Matoshi.
“Dasma, pjesa e parë”, shkruan 24-vjeçari, krahas imazheve nga ceremonia e kurorëzimit.
Ndërkohë kujtojmë se lidhja e tij me aktoren shqiptare ka qenë një temë e vazhdueshme e diskutuar nga publiku. Pas ndarjes së tyre, reagimet dhe spekulimet rreth situatës së tyre personale vazhdojnë të mbeten në qendër të vëmendjes në mediat sociale.
Ndërsa aktorja ka treguar më herët se shkaku i ndarjes ishte se Keith ndryshe nga ajo, kërkonte të krijonte familje e të bënin fëmijë së bashku.