Një çift shqiptar është arrestuar në Zvicër pasi ata ishin arratisur nga burgu në Itali.
Shqiptarët Emilian Bici dhe Ermelinda Spahiu ishin nën kërkim ndërkombëtar nga autoritetet italiane për një krim të rëndë, duke përfshirë një tentativë vrasjeje në Punta Marina në vitin 2018.
Ata ishin arratisur nga burgu në Itali në nëntor 2023 dhe u identifikuan në Zvicër pasi policia vuri re një automjet me targa italiane.
Gjatë kontrollit të automjetit, policia kantonale e Zyrihut sekuestroi mjete të dyshimta për vjedhje. Çifti ishte i përfshirë në një grup të specializuar për vjedhje dhe grabitje, duke shkaktuar shqetësim të madh për autoritetet italiane dhe zvicerane.