Ditën e sotme kryetarja e Bashkisë së Himarës, Blerina Bala ka dhënë dorëheqjen nga posti i saj. Dorëheqja e saj ka ardhur e papritur ndërkohë që mësohet se arsyet janë personale që kërkojnë kohë dhe përkushtim.
Dorëheqja e Balës është zyrtarizuar vetëm pak minuta më parë. “Per arsye personale që kërkojne kohën dhe vëmendjen time të plotë” është kjo arsyeja dhe çfarë ka theksuar Blerina Bala.
Ajo ka shpjeguar në letrën e saj të dorëheqjes se është përpjekur të punojë me përkushtim me çështjet që ka patur në dorë gjatë këtyre muajve si kryetare. Nga informacionet zyrtarë mësohet se Blerina Bala e ka dërguar dorëheqjen ndërsa nuk është paraqitur personalisht ne bashki. Blerina Bala u zgjodh si kryetare në detyrë e Bashkisë së Himarës nga Këshilli i Bashkisë së Himarës më 29 mars të këtij viti.
Ajo fitoi mbështetjen e Partisë Socialiste të Shqipërisë dhe disa parti opozitare, duke marrë 15 vota pro dhe vetëm 4 kundër. Gjatë kësaj mbledhjeje pati tensione pasi disa mbështetës të kryetarit të zgjedhur të mëparshëm, Alfred Beleri, që aktualisht ndodhet në burg, u përpoqën të pengonin praninë e përfaqësuesve të PS-së dhe Prefekturës së Vlorës.
Pas arrestimit të kryetarit të mëparshëm të Bashkisë së Himarës, Jorgo Goro, për korrupsion, Blerina Bala u zgjodh për të zëvendësuar atë. Policia e Shqipërisë arrestoi në 12 maj të viti 2023 kandidatin e partisë opozitare për kryetar Bashkie të Himarës.
Ndërkohë mësohet se ditën e premte do të zhvillohet mbledhja e Këshillit të Bashkisë Himarë për zgjedhjen e një nga dy nënkryetarëve Pervin Gjikuria dhe Arqile Bollano në postin e kryetarit të bashkisë. Sipas informacioneve, prej kandidatëve si kryetarë bashkie në Himarë ka më shumë gjasa të marrë postin ditën e premte Arqile Bollano.