Gazetari Artan Hoxha ka folur për krimin e organizuar dhe për sasitë e mëdha të parave që ata disponojnë. Hoxha tha se në vitin 2023, jashtë sistemeve bankare, në pikat e këmbimit valutor kanë qarkulluar 12 miliardë euro, të cilat janë ekonomi informale.
Gazetari tha se krimi i organizuar dhe korrupsioni janë shumë prezent në vendin tonë dhe se janë të lidhura së bashku.
“Sot krimi i organizuar shqiptar dhe korrupsioni sepse janë të lidhura bashkë, janë shumë prezentë, sepse një pjesë e mirë e ekonomisë shqiptare sipas raporteve ndërkombëtare sepse janë më të besueshme shkon diku te 40% që është një ekonomi informale. Në vitin e kaluar, vetëm në pikat e këmbimit valutor jashtë sistemit bankar janë shkëmbyer 12 miliardë euro. Nuk besoj se ky 2 miliardëshi janë këmbyer nga turistët. Sigurisht që kemi të bëmë me një sasi të stërmadhe për kapacitetet që ka Shqipëria sot”, tha Hoxha.