Galeria Marian Goodman do të paraqesë për artdashësit veprat e kryeministrit shqiptar, Edi Rama. Një ekspozitë personale në mes të kryeqytetit të Francës. Një ekspozitë e cila do të hapet më 8 qershor, këtë të shtunë.
Vizatimet në letër, letra muri, skulpturat e qeramikës dhe qëndismat do të jenë pjesë e krijimeve në ekspozitë.
Kjo ekspozitë paraqet afërisnë e një artisti me ngjyrat, gjë e cila ishte thelbësore për kryeministrin Rama sin ë veprimtaritë artistike edhe në ato të politikës. Gjithashtu shfaqet edhe elementi i psikikës, në potencialin e ndryshimit të perceptimeve tona dhe gjallërimit.
Kryeministri është shprehur se vizatimet janë pjesë e tij, njësoj si puna, dhe e lidhur me punën e tij.
Për të vizatimi buron për të gjetur ekuilibrin mes shikimit të brendshëm dhe atij të jashtëm.
“Di që vizatimet janë pjesë e punës sime. Bëhet fjalë për punën dhe është si diçka brenda meje që përpiqet t’i shpëtojë punës kornizë”, shprehet kryeministri.
Vizatimet përbëhen nga kompozime komplekse, të bëra me ngjyra të ndezura që mbulojnë pjesërisht letra të printuara A4, me shënime apo oraret e takimeve ditore.
Në njoftimin për mediat, Galeria Marian Goodman tregon se si ngjyrat që sot janë në tavolinën e kreut të qeverisë shqiptare, dikur, kur Rama drejtonte bashkinë e Tiranës, u bënë pjesë e një projekti ambicioz për rilyerjen me shumë ngjyra të fasadave të ndërtesave.
Duke u ndalur më tej te qeramika, shpjegohet se Rama realizon punimet në studion e tij jashtë Kryeministrisë gjatë kohës së lirë.
Ekspozita hapet për publikun të shtunën, në 8 qershor.