Një vajzë e re greke ka rrëfyer tmerrin që ka përjetuar nga një shqiptar që e njohu në internet.
E reja kishte mbi një vit që fliste me shqiptarin të cilin e njohu në Facebook, derisa vendosi ta takonte në Selanik. Por ajo atje takoi një burrë tjetër, jo atë që ishte prezantuar në rrjetet sociale.
“Biseda ishte e përditshme, komentonim, bisedonim. Nuk e mendoja se do të ndodhte gjë. Më në fund vendosa ta takoja. Mbërrita në Selanik, i kisha thënë të më merrte me tren, por nuk erdhi kurrë.
Mbërrita në 6:30 të mëngjesit, nuk e njihja qytetin. E mora në telefon, më tha “nuk mundem, më zuri gjumi dhe jam pak larg merr një taksi dhe eja”. Më në fund shkova. Kur mbërrita në një zonë të largët u frikësova.
Po shikoja djathtas majtas dhe e pyeta ku ishte. Ai ishte fshehur në një cep dhe nuk ishte ai që u prezantua. Nuk doja as të afrohesha, po të ishte në tren do të merrja tjetrin për të ikur”, tha e reja.
Makthi nuk vonoi për vajzën, ndërsa e cilësoi personin që njohu në Facebook ‘gënjeshtar’.
“Ti je një gënjeshtar, je krejt ndryshe, ke kaq kohë që më tregove një fytyrë tjetër. Dua të iki. Do të bësh çfarë të dua unë, si të dua unë dhe do të vish kur të dua unë.
Më pas filloi gjithçka që përjetova. Nuk u ndal fare, përveçse kur humba ndjenjat”, i tha vajza, sipas asaj që dëshmoi teksa fliste për SKAI-n.
Më në fund, përdhunuesi vendosi në një moment, pas më shumë se 24 orësh përdhunimi dhe rrahjeje të vajzës fatkeqe, të nxirrte në shëtitje qenin e tij.