Një 20-vjeçar është kanosur nga fqinjët e tij për motive të dobta. Ndërhyrja e shpejtë e policisë ka bërë të shmanget një konflikt. Në pranga ëhstë vënë një nga vëllezërit dhe po vijon puna për kapjen e vëllait tjetër.
Sipas njoftimit të policisë thuhet se ditën e sotme në Durrës po ndodhte një konflikt ku njëri prej shtetasve kishte armë zjarri me vete.
Personi me armë zjarri sapo ka parë policinë është larguar menjëherë ndërsa autoritetet i janë vënë në ndjekje për kapjen e tij.
Është arrestuar në flagrancë A.G, 32 vjeç dhe në kërkim është vëllai i tij Gj.G ,25 vjeç.
Të dy vëllezërit sapo kanë marrë vesh kthimin e 20-vjeçarit në Shqipëri, për shkak të mosmarrëveshjeve të mëparshme, kanë kanosur me armë zjarri ish-fqinjin e tyre duke qëlluar me pistoletë në drejtim të tij.