Dy persona janë arrestuar ditën e sotme nga policia zviceriane pasi akuzohen për trafikim droge. Një prej dy të arrestuarve është indentifikuar me origjinë shqiptare ndërsa tjetri si shtetas zvicerian.
Arrestimi i tyre erdhi si pasojë e bashkëpunimit të policisë zviceriane me shërbimet kundër trafikimit të drogës.
Shqiptari 25-vjeçar dhe zviceriani 37-vjeçar jetonin në zonën e Bellinzonës.
25-vjeçari dyshohej si i përfshirë në aktivitete të rëndësishme të trafikimit të drogës me aktorë lokalë. Ai është arrestuar në Giubiasco, në banesën e gruas së tij.
Gjatë kontrrollit policia ka gjetur rreth 500 gramë kokainë dhe pas hetimeve të detajuara u arrestua edhe 37-vjeçari zvicerian.
Krimet ndaj tyre janë shkelje e rëndë dhe shkelje e ligjit federal për narkotikët dhe shkelje e ligjit federal për të huajt dhe integrimin e tyre. Hetimet koordinohen nga prokurori publik Roberto Ruggeri.