Një vajzë shqiptarë u përdhunuar pak ditë më parë në Greqi nga një 27-vjeçar palestinez. Së fundmi nëna e vajzës së përdhunuar ka folur për mediat greke në lidhje me ngjarjen e ndodhur.
Ajo ka thënë se nuk ishte rasti i parë i një abuzimi ndaj vajzës së saj, dy muaj më parë vajza e saj është abuzuar nga 27-vjeçari në mënyrë brutale.
Gjithashtu ka shtuar se palestinezi e kishte rrëmbyr vajzën duke e mbajtur të mbyllur në bodrum. Sipas saj ai e kishte dhunuar vajzën e saj dhe pasi kishte abuzuar me vajzën e saj palestinezi e kishte goditur me thikë.
Një tjetër detaj tronditës ishte se vajza ishte gjetur e shtrirë dhe e zhveshur pasi ishte goditur nga mjete të forta si shkopinj hekuri.
Nëna e vajzës ka pranuar që të rinjtë kishin nisur njohjen pak kohë më parë.
Fatmirësisht, sipas saj, një patrullë policie ndodhej pranë vendngjarjes dhe e ka shpëtuar të bijën duke e dërguar me të bërtitura dhe ulërima në spital.
“E kishte goditur shumë kudo. Me dru e hekur nuk e di, e kishte lidhur… e gjetën të zhveshur. Ajo ka frike se nuk është hera e parë që e godet. E ka goditur edhe dy muaj më parë. Ajo e njihte prej muajsh dhe ai e ka dhunuar keq edhe më parë, me plagë në sy në kokë. Madje, edhe tani e ka tërhequr zvarrë dhe e ka goditur. Vajza ime u shpëtua nga një mrekulli. Ajo u shpëtua nga policia që dëgjoi të qarat e saj.
Ajo është në spital dhe shpresoj që gjithçka të shkojë mirë. Nuk është në gjendje të flasë, është në shok. Me siguri e ka mbajtur me forcë sepse me sa kuptova e kishte mbyllur në një garazh dhe e kishte mbajtur atje për ditë të tëra, donte që ajo të largohej dhe më pas e kishte rrahur në një mënyrë që nuk e di nëse quhet kështu, njerëzore”,- deklaroi nëna e vajzës shqiptare.