Rreth një muaj më parë, Kiara dhe Luizi u bënë prindër për herë të parë, duke sjellë në jetë një vajzë.
Luna Mari është emri që cifti i njohur ka zgjedhur për vogëlushen e ardhur në jetë në muajin prill.
Ndërkohë që sot feston një mujorin e lindjes, ish-banorët e Big Brother Vip kanë vendosur që të zbulojnë për herë të parë imazhin e saj.
“Luna Mari Ejlli ju falenderon secilin prej jush për dashurinë, urimet dhe dhuratat e mrekullueshme që ka marrë që pa lindur dhe në vazhdim”, shkruan Kiara dhe Luizi në videon e ëmbël me portretin e bukur familjar.
Kiara dhe Luizi janë njohur në edicionin e dytë të Big Brother VIP, në një rrugëtim të vështirë, por që ia dolën që të krijonin një lidhje dashurie të kurorëzuar me martesë, në natën finale, ku Luiz Ejlli fitoi çmimin e madh.
Gjithçka ndodhi në syrin e publikut, të ndjekur nga miliona shqiptarë, duke krijuar kështu fansa dhe ndjekës suportues, kuriozë për jetën e tyre. Çifti edhe pas daljes nga BBV, kanë qenë aktiv në rrjetet e tyre sociale, duke ndarë momente të bukura mes tyre.