Një ngjarje e rëndë ka ndodhur sot në Tiranë, teksa një 63-vjeçar ka tentuar të vrasë veten duke u djegur.
Mësohet se ngjarja ka ndodhur në Unazën e Madhe, në afërsi të Farkës, ku 63-vjeçari ka spërkatur veten me benzinë dhe i ka vënë flakën. Fatmirësisht policia ka ndërhyrë në kohë dhe ai ka arritur të mbijetojë, teksa është dërguar me urgjencë në spital, ku po merr ndihmën mjekësore.
Njoftimi i Policisë:
Tiranë/Informacion paraprak
Më datë 30.05.2024, rreth orës 12:30, në Unazën e Madhe, krahu lindor me drejtim lëvizje Teg, (në afërsi të Farkës), ka tentuar të vetëdigjet me lëndë djegëse, dyshohet benzinë, shtetasi N. Sh., 63 vjeç. Si pasojë është dëmtuar dhe ndodhet në spital nën kujdesin e mjekëve.
Grupi hetimor po punon për sqarimin e rrethanave të ngjarjes.