Detaje të reja janë zbardhur nga dhunimi avokatit Sokol Mëngjesi, ngjarje e ndodhur ditën e sotme në zonën e ish-Bllokut.
Sipas dëshmitarëve okularë, agresorët e kanë sulmuar dhe goditur Sokol Mëngjesin. Ata kanë treguar se avokati i Sali Berishës ka tentuar të largohet, por ka rrëshqitur duke goditur kokën në trotuar. Dy nga autorët që sulmuan përfaqësuesin ligjor të ish-kryeministrit janë identifikuar nga polici, teksa raportohet që kanë qenë të veshur me të zeza dhe me kapele.
Sokol Mëngjesi është dhunuar sapo ka lënë fëmijën në kopsht në zonën e ish-Bllokut. Ngjarja ka ndodhur rreth orës 08:30 të mëngjesit të sotëm. Pasi u godit me grushte e sende të forta, avokati u dërgua tek Trauma ku mësohet se ka pësuar dëmtime në kokë e pjesë të tjera të trupit.
Ai ndodhet në gjendje të qëndrueshme ndërsa na spital ka shkuar edhe Drejtori i Policisë së Tiranës, Tonin Vocaj.