SPAK ka kryer hetime në lidhje me ngjarje të tjera përveç atentatit të ish-prokurorit Arjan Ndoja.
Sipas Prokurorisë së Posaçme ka rezultuar se shtetasi Ramazan Rraja është njëri nga personat që ka siguruar një automjet në Durrës dhe ka dërguar një nga të afërmit e tij për t’a marrë këtë automjet në mënyrë që të plaste eksplozivin në hotelin “Victoria” në Tiranë.
Ky hotel bëhet me dije së është në pronësi të Luan Matës. Ngjarja ka ndodhur në 30 maj të vitit 2020. Si rezultat i hetimeve lidhur me këtë ngjarje Ramazan Rraja akuzohet se ka kryer këtë vepër penale ne bashkëpunim me Plaurent Dervishaj dhe Juljan Meçaj.
Hoteli është në pronësi të Luan Matës, babai të të akuzuarit Ervin Mata, i shpallur në kërkim si pjesë e një grupi kriminal që trafikonte drogë dhe planifikonte vrasje, ku u arrestua dhe ish zv/drejtori i policisë së Tiranës, Erzen Breçani.
Nga shpërthimi i eksplozivit më 30 maj nuk pati të lënduar, por vetëm dëme materiale. Kujtojmë se ish-anëtari i bandës së Durrësit, Julian Meçaj, është arrestuar në shkurt të këtij viti në Dubai.