Një plagosje me thikë ka ndodhur pasditen e sotme në Tiranë.
Mësohet se ngjarja ka ndodhur në zonën e “Don Boskos”, ndërsa bëhet fjalë për një konflikt mes dy fqinjëve për një tub uji.
I plagosur ka mbetur një 23-vjeçar, i cili ka marrë një plagë të lehtë në sup dhe ndodhet jashtë rrezikut për jetën. Ndërkohë në pranga është vendosur autori, një 30-vjeçar.
Njoftimi i policisë:
Më datë 15.09.2022, në orën 16:10, në rrugën “Kastriotët”, gjatë një konflikti për motive të dobëta, shtetasi B. I., 30 vjeç, ka goditur me mjet prerës shtetasin G. F., 23 vjeç.
Si pasojë 23-vjeçari është dëmtuar dhe ndodhet në spital, jashtë rrezikut për jetën, ndërsa autori i dyshuar është shoqëruar në komisariat, për veprime të mëtejshme.
Grupi hetimor po punon për sqarimin e rrethanave të ngjarjes.