Gazetarja e njohur, Ilnisa Agolli, ishte mëngjesin e sotëm e ftuar në emisionin “Wake Up”, ku komentoi pak lojën e pesë finalistëve të “Big Brother VIP3”.
E sigurisht që për partnerin e saj, Meriton Mjekiqi, ish-banorja e këtij edicioni foli me shumë dashuri dhe superlativa.
Pak ditë më parë, moderatori i njohur refuzoi që të bënte një tatuazh brenda shtëpisë më të famshme në Shqipëri, duke u shprehur se dëshiron që t’a bëjë së bashku me Ilnisën, kur të dalë ai nga BBV3.
E pyetur nëse do të ndodhë kështu, gazetarja e njohur u përgjigj:
“Besoj se po. Ai do që të bëjë tatuazh buzët e mia, kurse unë do bëj kafshimin e tij. Ka qenë një ide shumë e bukur. Na erdhi te Dhoma e Bardhë”.
Ndërsa duke folur për Dhomën e Bardhë, Ilnisa tregoi se kjo ‘ka qenë një përvojë shumë e vështirë.
“Ka qenë pyetja më e shpeshtë nga miqtë e mi pasi dola. Kur arrita të mund mendimet e mia aty, nuk i trembem asgjëje në botë. Atje punon truri shumë shpejt, e ndien që punon dhe vërshon me një ritëm shumë të shpejtë. Ishte një shkollë e jashtëzakonshme”, u shpreh ish-banorja e “Big Brother VIP3”.