Një aksident i rëndë ka ndodhur sot në Shkodër, ku një person ka mbetur i plagosur.
Mësohet se ngjarja ka ndodhur në vendin e quajtur “Ura e Shtrenjtë”, ku një kamion është përmbyur. Shkak për aksidentin është bërë humbja e kontrollit nga drejtuesi i mjetit, i cili ka mbetur i plagosur. Ai është dërguar në spital për të marrë ndihmën e nevojshme mjekësore, teksa raportohet se gjendja e tij paraqitet e rëndë.
Njoftimi i policisë:
Shkodër/Informacion paraprak
Rreth orës 17:57, në vendin e quajtur “Ura e Shtrenjtë”, dyshohet se për shkak të humbjes së kontrollit mbi drejtimin e mjetit nga drejtuesi, kamioni ka dalë nga rruga.
Si pasojë, është dëmtuar drejtuesi i kamionit, shtetasi S. M., 28 vjeç, i cili ndodhet në spitalin rajonal të Shkodrës nën kujdesin e mjekëve.
Grupi hetimor po punon për sqarimin e rrethanave dhe shkakut të aksidentit.