Pavarësisht se iu dha leje nga ana e Drejtorisë së Burgjeve, Erdgys Arrazi nuk do të jetë i pranishëm në varrimin e dy fëmijëve të tij 7 dhe 3 vjeç që do të bëhet ditën e sotme.
Duket se për arsye ende të panjohura për mediat, policia nuk e ka marrë përsipër shoqërimin e Arrazit për në varrez ku do të përcillen për në banesën e fundit dy nga fëmijët e tij.
Kujtojmë se Erdgys Arrazi ishte bashkëshort i të ndjerës Alma Arrazi, e cila së bashku me 3 fëmijët e saj në gjendje të rënduar psikologjike u mbyt në lumin Buna.
Ditën e djeshme, Erdgys Arrazi u la në burg nga gjykata e Shkodrës ndërsa ai vetë deklaroi se ishte në gjendje të rënduar psikologjike dhe se do të flasë në një moment tjetër.