Ylli i popit, Dua Lipa kohët e fundit është ndjerë e zhgënjyer nga fansat e saj. Këngëtarja e famshme, botërore, është larguar për një farë kohe nga rrjeti social Twitter pas komenteve negative në videot e saja. Dua shprehet “e neveritur” pasi fansat e kanë “tallur” në një meme e cila ishte bërë virale.
Një video e Duas duke kërcyer valle gjatë një performance live, në një concert të sajin, është bërë meme virale ku ndjekës të shumtë të këngëtares kanë shprehur edhe komente të shumta negative për të.
Një nga komentet që ka përforcuar edhe komentet e tjera shkruante: “Më pëlqen mungesa e saj e energjisë, ec vajzë nuk na dhe asgjë!”, poshtë klipit të saj në YouTube të performancës së saj live të këngës “New Rules” në BRIT Awards 2018.
Ylli i “Don’t start now” është shprehur e trishtuar nga komentet e ndjekësve të saj ku edhe shton se pavarsisht se puna e saj e bën të lumtur gjithë përpjekja dhe lodhja që ajo ka patur gjatë kësaj kohe nuk po vihet re nga një pjesë e fansave.
“Në sytë e publikut, po përcillja kush isha si artiste, si performuese. Gjithçka po ndodhte ndërsa isha 22, 23 vjeç dhe ende po rritesha. Duhet të ndërtosh një lëkurë të fortë. Duhet të jesh i qëndrueshëm,” shtoi Dua