Ish-kryeministri Sali Berisha është pyetur nga gazetarët nëse do të votonte Majlinda Bregun si presidente. Berisha refuzoi të japë një përgjigje. Ai theksoi se Bregu është figurë e nderuar, por procesi për zgjedhjen e kreut të ri të shtetit sipas tij është një farsë.
“Mundësisht më pyet për PD, mos më pyet për farsën elektorale presidenciale. Ajo është një figurë e respektuar tani është në diplomaci, por sot jam këtu për pikërisht për këto që dëgjuat. Pse doni të klononi lajmim tim”, tha Berisha.
Më herët në një konferencë sot, ish-kryeministri deklaroi se ai dhe grupimi i tij do të jenë në Kuvend, por do të votojnë kundër kandidatit të socialistëve për president.
Majlinda Bregu, ish-ministrja e qeverisë Berisha është një ndër emrat që përflitet se do të sillet nga maxhoranca për t’u votuar si presidente. Madje, kreu i grupit të PS, Taulant Balla u shpreh pak ditë më parë se nëse maxhoranca do ta kishte sjellë si emër mund ta kishin votuar.