Pasditën e djeshme të gjithë banorët janë mbledhur në dhomën e ndenjes dhe përmes aplikacionit “Big Love”, ata kanë mundur të marrin mesazhet e bukura nga suportuesit e tyre, miqtë dhe familjarët.
Një ndër mesazhet që ka emocionuar dhe përlotur pafund Romeon, ishte ai i këngëtarit dhe njëkohëshit mikut të tij, Elgit Doda. Në mesazhin e tij, Elgiti i ka kërkuar Romeos që të jetë ai personi që të fikë dritat e shtëpisë ose në të kundërt të mos dalë fare nga ajo shtëpi. Në mesazhin e tij, Elgiti ka përshëndetur gjithashtu edhe Heidin, duke iu shkruar se janë çifti më i mirë.
“Bro se bën vaki dhe nuk i fik dritat e asaj shtëpie, më mirë rri aty brenda dhe mos dil më. Të dua vëllaçko, ke treguar që ke një zemër të madhe dhe je ai njeriu që unë njoh. Mos të flas së sa shumë më ka marrë malli se do fillojmë të qajmë të dy. Po të them që po të pres se kemi shumë gjëra që kemi lënë përgjysmë jashtë. Të dua vëllaçko. Heidi shumë përqafime edhe për ty. Çifti më i mirë.”