Dy automjete janë përplasur këtë të enjte në rrugën nacionale Bulqizë – Peshkopi.
Policia njoftoi se aksidenti ka ndodhur rreth orës 14:00, në vendin e quajtur ‘Sofraçan’, Bulqizë, ku janë përplasur me njëra-tjetrën dy automjete me drejtues shtetasit LS dhe A.Gj.
Si pasojë e përplasjes së mjetit ka mbetur i plagosur një pasagjer, i cili ndodhet në spitalin e Bulqizës, jashtë rrezikut për jetën.
Ndërkohë nga përplasja janë shkaktuar dëme të mëdha materiale në të dyja automjetet, të cilat nga përplasja e fortë janë dëmtuar.
Grupi hetimor ka mbërritur në vendngjarje dhe po punon për zbardhjen e shkaqeve të aksidentit.
Kjo është një zonë problematike e rrugës nacionale Bulqizë – Peshkopi për shkak të mungesës së theksuar të sinjalistikës horizontale dhe vertikale.
Ndërsa situata më shqetësuese ndodh kur ka reshje shiu pasi automjetet rrëshqasin dhe bëhen burim aksidentesh.