Agustin Kaza ishte shënjestër e një atentati mbrëmjen e së dielës në Bruksel.
Ngjarja dyshohet se ka ndodhur për motive gjakmarrjeje.
44-vjeçari Agustin Kaza nga Mirdita, njihet si vëllai i Martin Kaza i cili në vitin 1997 kreu vrasjen e dy vëllezërve në Mirëditë, Agustin dhe Dodë Gjini.
Ai është dënuar me 22 vite burg dhe vuajti dënimin e tij në Britaninë e Madhe. Në vitin 2017 Kaza është ekstraduar nga Britania në vitin 2017.
Më 7 Janar të vitit 1994 Shefi i Krimeve në Rrëshen, Ndue Kaza është vrarë nga Dod Gjini për arsye të një përshkallëzimi të një konflikti.
Pas kësaj ngjarjeje familjet kanë bërë paqe me njëra-tjetrën pa u arrestuar askush. Por në 1997 janë përfshirë në një atentat nga Martin Kaza dy persona, Dod dhe Agustin Gjini të cilët humbën jetën si pasojë e këtij atentati.