Rrjeti social TikTok është shndërruar edhe një herë në vatër abuzimi. Rasti konkret ka të bëjë me një video skandaloze që u bë virale ditën e djeshme, ku një i ri në Kosovë, i njohur në rrjete sociale si “Valmir bossi” ka afruar pranë kamerës disa fëmijë të mitur dhe i ka detyruar që të tregojnë penisin.
Më pas, me forcë u ka puthur organin gjenital, teksa personi tjetër në sfidë, i njohur në rrjetin social “Fire”, që emrin e vërtetë e ka Xhemal Uka I kërkonte ta bënte edhe dy herë të tjera, pra t’ia puthte penisin 3 herë në total. Veprimi i pahijshëm është bërë në kuadër të një sfide në rrjetin social, që është bërë tepër problematik jo vetëm në vendin tonë por edhe në Kosovë.
Në “Shqipëria LIVE”, gazetarja Elma Sylejmani nga Kosova ka dhënë detaje mbi këta dy autorë, që janë nën hetim nga policia.
“Është një personazh i njohur në Tik tok. Shpesh poston video dhe sfida të tilla shqetësuese, me të mitur është hera e parë, nuk kanë qenë sfida që shkelin ligjin. Kjo video është nxjerrë nga një live i tij. Është parë nga shumë njerëz dhe më pas ka rënë dhe në dorë të policisë të cilët kanë arritur ta arrestojnë. Video daton që prej 22 prillit.
‘Valmir bosi’ është i papunë, merret vetëm me videot në tik tok, ka bërë dhe më parë video me Xhemal Ukën. Ky i fundit ndodhet në Francë, nuk ka informacion zyrtare nëse është i arrestuar atje, teksa policia e Kosovës e ka shpallur në kërkim. Sa i përket të miturve që shfaqen në video, nuk dihet asgjë për ta, as lidhja me Valmirin, as nëse dikush po kujdeset me ta.”- tha ajo.