Spektakli i djeshëm i “Big Brother VIP3” ka qenë tepër i ngarkuar sidomos për çiftin Heidi Baci dhe Romeo Veshaj.
Dyshja në fjalë, u zgjodh nga Egla Ceno si lidere e shtëpisë, të shkojnë në nominim’ kokë më kokë’, ku fituesi do të shkojë direkt në finale ndërsa tjetri do të qëndrojë në nominim për pjesën tjetër të lojës deri në gjysmë finale.
Mirëpo ky vendim që Vëllai i Madh ka marrë i është thënë vetëm Eglës dhe asnjë prej banorëve të tjerë të shtëpisë më të famshme në Shqipëri nuk e di. E si pasojë, disa prej tyre i janë kthyer kundër aktores për veprimin që bëri.
“Ky nuk është avantazh, është t’i bie vetes me çekiç kokës. Këta do më marrin shpirtin mua. Unë kam hallin tim tani, nuk kam hallin e publikut”, u shpreh Ceno mbrëmë në dhomën e rrëfimit.
Ndërkohë pas përfundimit të spektaklit, teksa në një moment ka shkuar të bisedojë me Romeon i cili ishte në gjendje emocionale shumë të rënduar, banori i ka mbajtur një qëndrim shumë të ftohtë asaj duke mos e lejuar të qëndrojë pranë tij dhe duke u drejtuar ‘o e pashpirt, mos mu afro!’.