Pas debateve në shtëpinë më të famshme në Shqipëri, “Big Brother VIP3”, ka edhe surpriza. Meriton Mjekiqi ka dalë mbrëmë nga shtëpia për të takuar Ilnisa Agollin si surprizë nga “Vëllai i Madh” për banorin.
Ndërsa Ledion Liço i tha që duhet të lërë shtëpinë dhe të shkojë te dera e kuqe, Julian Deda nuk i kurseu batutat.
“A e kemi thënë që ti del para të gjithëve”, kaq ka mjaftuar që banorët të qeshin, ndërsa ai drejtohet drejt dhomës ku e pret surpriza.
Ilnisa dhe Meritoni u njohën dhe krijuan një lidhje dashurie brenda shtëpisë së BBV3. Edhe pse gazetarja ka pak javë që është eliminuar, ajo herë pas here poston në rrjetet sociale momente që ka kaluar me Mjekiqin.
Nga ana tjetër, moderatori nuk ka ngurruar t’i shprehë dashurinë edhe pse janë larg. Madje ata kanë bërë plane për të zgjeruar familjen e tyre.