Pas përballjes së fortë gjatë ditës së djeshme me bashkëshorten e tij, Monika Kryemadhi, Ilir Meta është ndalur të flasë sot për forcën e grave.
Në një takim me gratë anëtare të Partisë së Lirisë, Meta foli shumë, por ndër të tjera, përmendi dhe një fjali.
“Nuk ka më të rrezikshme se gratë që janë xheloze për gratë”– tha ish-presidenti.
Por çfarë donte të thoshte Meta me këtë? A ishte ky një tjetër mesazh ndaj bashkëshortes Monika Kryemadhi?
Gjatë ditës së djeshme, i ftuar në emisionin “Breaking” në Top News, avokati Idajet Beqiri duke folur për çiftin Meta-Kryemadhi tregoi një histori për ta. Sipas Beqirit, Kryemadhi është tepër xheloze dhe shumë shpesh ka pasur debate me gratë dhe vajzat që i afroheshin Metës. Ai madje përmendi dhe deputeten Silva Caka, teksa deklaroi se Kryemadhi është konfliktuar me të vetëm sepse i është afruar Ilir Metës.
“Partia e Lirisë është ndarë në dy kampe, një kamp janë këta që mbështesin Monikën, kjo për ta bërë të besueshme ndarjen, por që faktikisht është lojë. Ata që po futen tek grupi i Monikës, me përjashtim të asaj Cakës, të cilën Monika nuk e duron dot, dhe ka arsye. Arsyeja është sepse i afrohet shumë Ilirit. E dinë të gjithë atje në seli pse zihet Monika me deputeten Cakën.
Nuk ka asnjë krizë reale, është e gjitha lojë. Kush e beson këtë. Xheloz Iliri është bërë kur ishte Kryeministër, aq sa kërkoi ndihëm e Shërbimit Informativ Shtetëror që t’i ruanin gruan me kë shkonte. Dhe shkuan ata i dhanë informacion. Deri këtu ka arritur. Po të ishte për tu ndarë e për tu divorcuar, do ishte ndarë që kur u bë Kryeministër. Kjo është lojë tani.”- tha avokati.