Fatjon Hoxha i ka dhënë lamtumirën e fundit ditën e sotme nuses Merushe Hazizi dhe babait të tij Xhevahirin.
E gjithë ngjarja ka ndodhur vetëm një ditë pasi Xhevahir Hoxha vrau me thikë të renë dhe më pas vari veten në pemën e shtëpisë në fshatin Vidhisht të Roskovecit në Fier.
Teksa bëhet me dije se varrimet e trupave të pajetë të dy viktimave janë bërë të ndara, djali ka zgjedhur babanë. Fatjon Hoxha ka qenë në ceremoninë mortore të babait dhe jo në atë të Merushes, ndonëse 61 vjeçari nuk e pranonte lidhjen e tij me të renë.
Ndërkohë nga pamjet e publikuara në media Xhevairi, është shoqëruar nga një numër i vogël personash për në banesën e fundit, ndërsa janë vërejtur forca të shumta policie në zonë për të shmangur ndonjë hakmarrje të mundshme nga familjarët e viktimës.
Merushes i është dhënë lamtumira nga familjarët dhe të afërmit, teksa karvanin mortor e kryesonin tre fëmijët e saj me lule në duar./ Gazeta Shqip