“Rithemelimi” ka organizuar ditën e sotme një protestë para bashkisë së Tiranës ku ka marrë pjesë dhe vajza e ish-kryeministrit Sali Berisha, Argita Malltezi.
Argita ka dalë më shumë në publik që pas vendosjes së Berishës në arrest shtëpie për akuzat në lidhje me privatizimin e ish-kompleksit “Partizani”, për të cilin po hetohet edhe bashkëshorti i saj, Jamarbër Malltezi.
Sot, ajo mban veshur një bluzë, në të cilën është stampuar foto e Berishës dhe shprehja “Lironi liderin e opozitës”.
Ndërkohë, godina e bashkisë është rrethuan nga efektivë policie, teksa këshilltarët e Partisë Demokratike kanë tentuar të futen brenda, duke shkaktuar tensione dhe përplasje. Pas këtij momenti, janë shtuar forcat e policisë të cilat janë të shumta dhe kanë krijuar një kordon rreth godinës.