Policia e Durrësit ka arrestuar një 39-vjeçar pasi akuzohet se ka vrarë me dashje një person në vitin 2016.
Nga ky dënim, 39-vjeçarit i kanë mbetur edhe 4 vite burg.
Në zbatim të planit të masave, të hartuar në kuadër të megaoperacionit mbarëkombëtar të koduar “Sundi i Ligjit”, shërbimet e Drejtorisë Vendore të Policisë Durrës kryen ekzekutimin e vendimit të Gjykatës së Lartë, datë 17.10.2023, për Ndalimi i shtetasit Gëzim Kaino, 39 vjeç.
Ai është dënuar me 10 vite burg për veprat penale “Vrasje me dashje” dhe “Mbajtja pa leje dhe prodhimi i armëve luftarake, armëve shpërthyese dhe municionit”, dënim nga të cilat i kanë mbetur edhe 4 vite për vuajtje.
Më datë 01.03.2016, në lagjen nr. 17, Durrës, 39-vjeçari ka vrarë me armë zjarri shtetasin AK.
Shtetasi Gëzim Kajno i është dorëzuar Drejtorisë së Përgjithshme të Burgjeve, për veprime të mëtejshme proceduriale.