Një 26-vjeçare i ka dhënë fund jetës së saj në Angli, pasi u kap nga policia duke drejtuar makinën në gjendje të dehur.
Mësohet se Marina Watters u ndalua nga policia 3 ditë më parë, pasi drejtonte makinë e saj në mënyrë të pakontrolluar. Pas testit të alkolit, ajo rezultoi se ishte e dehur. 26-vjeçarja u la e lirë, por pritej të dilte para gjykatës pas 1 muaji.
Megjithatë, ditën e sotme Watters është gjetur e pajetë në shtëpinë e saj. Ajo u gjet vetëm pasi kolegët e saj ngritën alarmin për shkak se nuk ishte paraqitur në punë dhe nuk po mund të kontaktonin me të.
Nuk dihet ende se çfarë e shtyu atë drejt këtij veprimi, por familjarët shprehn se kohët e fundit kishin vënë re se ajo kishte një gjendeje të rënduar psikologjike. E reja ishte me profesion ekonomiste.