Lëkundje të forta tërmeti janë ndjerë pak më parë në Tiranë. Nuk ka ende informacion për magnitudën, por lëkundjet kanë zgjatur për disa sekonda.
Sipas të dhënave paraprake nga Qendra Europiane e tërmeteve (EMSC), gjatë 10 minutave në vendin tonë kanë rënë dy tërmete, një me magnitudë 3.3 dhe një tjetër pas 3 minutash me magnitudë 4.4 i shkallës Rihter.
Tërmeti i parë me magnitudë 3.3 ka rënë në orën 08:04:57, me thellësi 2km në tokë. Kurse tërmeti i dytë ka qenë me magnitudë 4.4 të shkallës Rihter dhe është ndjerë më shumë. Lëkundjet kanë zgjatur disa sekonda. Ai ka rënë në orën 08:10:34 dhe me thellësi 10 km në tokë.
Lëkundja 4.4 e shkallës Rihter ishte me epiqendër në fshatin Topojan të Njësisë Administrative Shupenzë në Bashkinë Bulqizë. Por të forta lëkundjet ishin dhe në Tiranë.