Një aksident i rëndë ka ndodhur mesditën e sotme Lezhë, ku 3 persona kanë mbetur të plagosur.
Mësohet se një makinë ka humbur kontrollin në afërsi të Fushë-Mamurrasit dhe më pas ka përfunduar në kanal. Nga pamjet nga vendi i ngjarjes, duket makina e cila ka përfunduar e përmbysur në një kanal me ujë.
Nga aksidenti kanë mbetur të plagosur 3 adoleshentë të moshave 17 dhe 18 vjeë, të cilët kanë arritur të dalin në kohë nga makina. Mësohet se ata janë dërguar në spital për ndihmë mjekësore, ndërsa policia ka nisur hetimet për zbardhjen e shkaqeve të aksidentit.
Njoftimi i policisë:
Laç/Informacion paraprak. Rreth orës 11:30, në aksin rrugor “Lezhë-Tiranë”, shtetasi G. D., 19 vjeç, ka humbur kontrollin mbi drejtimin e automjetit tip “Audi A5” dhe si pasojë automjeti ka dalë nga rruga. Nga aksidenti janë dëmtuar lehtë 3 pasagjerët në automjetin që drejtonte ky shtetas, njëri prej tyre 18 vjeç dhe 2 të tjerët 17 vjeç, të cilët po marrim mjekim në spitalin e Kurbinit.