Një muaj më parë një ngjarje tragjike u regjistrua për familjen e shqiptarit Edison Malaj pasi ai humbi jetën pas një incidenti në punë.
Malaj humbi jetën më 18 shkurt pasi një masiv betoni u shkëput nga vinçi duke e zënë poshtë dhe duke ndërruar jetën në vend. Ky nuk është rasti i parë që një shqiptar humb jetën në punë, teksa banorët e qytetit ku Malaj jetonte, në Cosenza, janë ngritur në protestë pas vdekjes së tij.
Me parulla dhe qirinj në duar banorët protestuan për të rritur sigurinë në ambientet e punës. Në këtë protestë ishte e pranishme edhe vajza e 55-vjeçarit, Sara Malaj e cila kërkon drejtësi si dhe të merren hapat e parë për sigurinë në vendet e punës.