Një sherr i rëndë ka ndodhur sot në Korçë, teksa një 30-vjeçar është dhunuar nga 3 persona.
Policia bën me dije se ngjarja ka ndodhur në lagjen nr.3 dhe se tre autorët janë shoqëruar në komisariat për veprime të mëtejshme procedurale. 30-vjeçari është dërguar drejt spitalit, pasi është goditur me sende të forta.
Grupi hetimor po punon për sqarimin e plotë të rrethanave të ngjarjes.
Njoftimi i policisë:
Korçë/Informacion paraprak
Më datë 13.03.2024, rreth orës 17:10, në lagjen nr. 3, në një lokal, gjatë një konflikti shtetasit O. B., G. B., dhe D. B., dyshohet se kanë goditur me sende të forta shtetasin A. K., rreth 30 vjeç, banues në Tiranë, i cili ndodhet për mjekim në spitalin e Korçës.
Tre autorët e dyshuar të ngjarjes, ndodhen të shoqëruar në ambientet e Komisariatit, për veprime të mëtejshme procedurale.
Grupi hetimor po punon për sqarimin e plotë të rrethanave të ngjarjes.