Kapelja që mbante veshur e ka shpëtuar biznesmenin Aleksandër Deda nga atentati që iu bë një ditë më parë në Lezhë.
Ngjarja ka ndodhur në në vendin e njohur si “Leksi i Druve”, në verandën e lokalit që 43-vjeçari ka ngritur pranë lumit Drin. në hyrje të Lezhës.
Deda ka dalë nga veranda e lokalit për të hipur në makine, kur është qëlluar nga atentatori-atentatorët, që kanë qenë në lëvizje me makinë.
Plumbat e kanë kapur në pjesën e kapelës. Ai është larguar nga vendi i ngjarjes dhe nuk ka bërë kallëzim në policinë e Lezhës. Burime nga policia thonë se për ngjarjen janë informuar nga dëshmitarë nga vendngjarja dhe më pas kanë nisur hetimet.
Edhe në vitin 2020, Deda i ka shpëtuar një tjetër atentati. As atëherë ai nuk bashkëpunoi me policinë për të treguar nëse ka pasur konflikte apo nëse dyshonte për dikë.
Dyshohet se autorët janë të njëjtët. Të dyshuarit kanë ardhur në Shqipëri një ditë para atentatit, ndërkohë që raportohet se kanë qëndruar jashtë shtetit që pas atentatit të parë, që ndodhi dy vite më parë. Pista ku po heton policia është larje hesapesh. /Top Channel